Баян-Өлгий аймгийн Өлгий сумын үерийн гамшигт өртсөн ард иргэдэд сэтгэлийн дэм үзүүлэх зорилгоор төрийн болон олон улсын байгууллага, иргэд хандивын аянд нэгдсээр байна.
Тухайлбал өнөөдөр “Ротари” олон улсын клубын “Хүрээ”, “Туул” клубын гишүүд хандивын аянд нэгдэж, хандивыг ОБЕГ-т хүлээлгэн өглөө.
Дээрх хоёр клуб гишүүдийнхээ дунд “Ротарийн гишүүд бид тусламжийн гараа сунгацгаая” аяныг өрнүүлэн, Хүрээ клубын хамт олноос 2,980,000 төгрөгийн үнэ бүхий 56 ширхэг хөнжил, 21 ширхэг орны бүтээлэг, Туул клубын хамт олноос 300 ширхэг оймсыг тус тус хандивлалаа гэж Онцгой байдлын ерөнхий газраас мэдээллээ. 