Нийслэлийн түүхт 379 жилийн ойг тохиолдуулан нийслэлийн Онцгой байдлын газраас олон жил үр бүтээлтэй, амжилт гарган ажилласан алба хаагчдыг шагнаж, урамшууллаа.
“Нийслэлийн тэргүүний ажилтан цол” тэмдгээр НОБГ-ын сантехникийн слесарь Д.Пүрэвцоо, Нийслэлийн иргэдийг гамшгаас хамгаалах сургалт, арга зүйн төвийн үйлчлэгч Б.Оюунмаа, Нийслэлийн Аврах анги-105-ын аврагч, ахлах ахлагч Ц.Наранбаатар нарыг шагнасан бол,
“Нийслэлийн Засаг даргын жуух бичиг”-ээр БЗД-ийн Онцгой байдлын хэлтсийн Гал түймрийн улсын хяналтын байцаагч, ахмад Э.Энх-Амгалан, тус хэлтсийн Гал түймэр унтраах, аврах 35 дугаар ангийн жолооч, ахлах ахлагч Г.Мөнхбаатар, БГД-ийн Онцгой байдлын хэлтсийн Гал түймэр унтраах, аврах 18 дугаар ангийн гал сөнөөгч, ахлах ахлагч Г.Заяабаяр, тус ангийн гал сөнөөгч, ахлах ахлагч Ж.Ганболд нарыг тус тус шагналаа гэж нийслэлийн Онцгой байдлын газраас мэдээллээ.
