1. Цаг агаар:
Өнгөрсөн хоногт: Нийт нутгаар цаг агаар тогтуун байлаа
Өнөөдөр: Ихэнх нутгаар үүлшинэ. Зүүн зүгийн нутгийн зарим газраар бага зэргийн цас орж, цасан шуурга шуурна. Салхи нутгийн баруун хэсгээр баруун өмнөөс, бусад нутгаар баруун хойноос секундэд 6-11 метр, төв болон зүүн зүгийн нутгийн зарим газраар секундэд түр зуур 16 метр хүрч ширүүснэ. Хүйтэрч Увс нуур болон Дархадын хотгор, Идэр, Тэс голын сав газраар 20-25 градус, Эгь-Үүр, Орхон, Сэлэнгэ, Хараа, Ерөө, Туул голын сав газраар 15-20 градус, Алтайн өвөр говь болон говийн нутгийн өмнөд хэсгээр 1-6 градус, бусад нутгаар 9-14 градус хүйтэн байна.
УЛААНБААТАР ХОТОД: Үүлшинэ. Цас орохгүй. Салхи баруун хойноос секундэд 6-11 метр. Хүйтэрч 10-12 градус хүйтэн байна.
Төлөв байдал: 7-нд зүүн зүгийн нутгийн зүүн хэсгээр, 10-нд баруун зүгийн нутгийн хойд хэсгээр бага зэргийн цас орж, явган шуурга шуурна. Салхи 7-нд говь, тал, хээрийн нутгаар, 8-нд Дорнод, Дарьгангын тал нутгаар түр зуур секундэд 16 метр хүрч ширүүснэ. 8-наас ихэнх нутгаар өдөртөө хүйтний эрч суларч Увс нуур болон Дархадын хотгор, Идэр, Тэс голын сав газраар шөнөдөө 33-38 градус, өдөртөө 20-25 градус, Хүрэн бэлчир, Эгь-Үүр, Сэлэнгэ, Хараа, Ерөө, Туул, Тэрэлж, Хэрлэн, Онон, Халх голын сав газраар шөнөдөө 20-25 градус, өдөртөө 9-14 градус, говийн бүс нутгийн өмнөд хэсэг болон цас багатай нутгуудаар шөнөдөө 13-18 градус, өдөртөө 0-5 градус, бусад нутгаар шөнөдөө 16-21 градус, өдөртөө 4-9 градус хүйтэн байна.
2. Ой, хээрийн түймэр:
Баянзүрх дүүргийн 11 дүгээр хороо, Богд уулын Төр хурахын аманд ой хээрийн түймэр гарч байгаа тухай мэдээллийг 2015.02.04-ний өдрийн 20:23 цагт хүлээн авч Аврах ангийн 6 албан хаагч, 1 автомашинтай бүлэг 15 га орчим талбайн газрын хөвд, үндэс шатаж байсныг цурамд оруулан буцсан. 2015 оны 02 дугаар сарын 05-ны өдрийн 06:00 цагт дүүргийн Онцгой байдлын хэлтсийн 51 албан хаагч 6 автомашин, Аврах ангиас 3 албан хаагч 1 автомашин нийт-54 албан хаагч, 7 автомашин техник хэрэгсэлтэйгээр түймрийн голомтод ажиллаж байна.
3. Объектын гал түймэр
Нийслэлд гал түймрийн 3, зөрчлийн 3, орон нутагт гал түймрийн 3, зөрчлийн 1 дуудлагатай байлаа. Үүнд:
Баянзүрх дүүргийн 20 дугаар хороо, Донж хаус хотхонд байшин шатаж байна гэсэн дуудлагыг 2015.02.05-ны өдрийн 09:31 цагт хүлээн авч Аврах, гал унтраах 35 дугаар ангийн 8 албан хаагч;
Чингэлтэй дүүргийн 18 дугаар хороо, Яргайтын 23 дугаар 475 тоотод иргэн Б-н 6х12 хэмжээтэй байшингийн дээвэр, эд хогшлын хамт шатаж байна гэсэн дуудлагыг 2015.02.05-ны өдрийн 13:26 цагт хүлээн авч Сүхбаатар дүүргийн Онцгой байдлын хэлтсийн Аврах, гал унтраах 34 дүгээр ангийн 8 албан хаагч;
Чингэлтэй дүүргийн 17 дугаар хороо, Сурагчийн 52 дугаар гудамжийн 620 тоот иргэн Э-н 5 ханатай гэр, эд хогшлын хамт шатаж байна гэсэн дуудлагыг 2015.02.06-ны өдрийн 03:49 цагт хүлээн авч Аврах, гал унтраах 34 дүгээр ангийн 8 албан хаагч;
Хэнтий аймгийн Хэрлэн сумын 2 дугаар баг Булгийн 20 дугаар гудамжийн 01 тоотод иргэн Ч-н 7х9 метрийн хэмжээтэй 2 давхар мансардтай байшин шатаж байна гэсэн дуудлагыг 2015.02.05-ны өдрийн 12:19 цагт хүлээн авч Аврах, гал унтраах 32 дугаар ангийн 10 албан хаагч,
Сэлэнгэ аймгийн Баянгол сум Хараа баг 1 дүгээр хэсгийн 06 тоотод иргэн Б-ын 10х5 метрийн хэмжээтэй халуун усны барилгын гадна талын гол хэсэг шатаж байна гэсэн дуудлагыг 2015.02.05-ны өдрийн 16:03 цагт хүлээн авч Аврах, гал унтраах 40 дүгээр ангийн 6 албан хаагч;
Сэлэнгэ аймгийн Сүхбаатар сумын Бор гүвээ баг 5 дугаар хэсгийн 017 тоотод иргэн Э-н Истана загварын машины мотор, жолоочийн суудал салоны хэсэг шатаж байна гэсэн дуудлагыг 2015.02.05-ны өдрийн 18:11 цагт хүлээн авч, Аврах, гал унтраах 36 дугаар ангийн 6 албан хаагч тус тус ажиллаж унтраасан .
4. Мал, амьтны гоц халдварт болон халдварт өвчин:
Мал, амьтны гоц халдварт болон халдварт өвчний тухайд: 1 аймгийн 1 сумын нутагт “Боом” өвчний 1, 2 аймгийн 2 сумын нутагт “Үхрийн хорт салст халуурал” өвчний 2, 8 аймгийн 12 сумын нутагт “Галзуу” өвчний 14, нийт 11 аймгийн 15 сумын нутагт 17 тохиолдол үргэлжилж байна.
Хөвсгөл аймгийн Эрдэнэбулган сумын 1-р багийн нутаг сумын төвөөс зүүн зүгт 30 км зайтай Жаргалантын ам гэдэг газар малчин Б-ийн 2 бяруу 2015.01.24-ны өдөр халдварт өвчний шинж тэмдэгтэйгээр өвчилснөөс дээж авч аймгийн МЭАЦЛ-д шинжлүүлэхэд “Боом” өвчин болох нь;
Сэлэнгэ аймгийн Баруунбүрэн сумын 2 дугаар багийн нутаг “Намаржааны гозгор” гэдэг газар Орхон аймгийн Жаргалант сумын харьяат иргэн Б-ийн 1 үхэр 2015.01.22-ны өдөр халдварт өвчний шинж тэмдэгтэйгээр өвчилснийг устгаж дээж авч УМЭАЦЛ-д шинжлэхэд үхрийн “Хорт салст халуурал” өвчин болох нь;
Төв аймгийн Зуунмод сумын Зүүндэлгэр багийн 12 дугаар гудамжийн 1 тоотод малчин У-ын 1 үхэр 2015.01.21-ний өдөр халдварт өвчний шинж тэмдэгтэйгээр өвчилснийг устгаж, дээж авч УМЭАЦТЛ-д шинжлүүлэхэд 2015.01.27-ны өдрийн хариугаар “Үхрийн хорт салст халуурал” өвчин болох нь;
Говь-Алтай аймгийн Цээл сумын Зэгст багийн нутаг “Шийрийн гол” гэдэг газар малчин Н, Н нарын 2 нохой 2015.01.16-ны өдөр халдварт өвчний шинж тэмдэгтэйгээр өвчилснийг устгаж, дээж авч аймгийн МЭАЦЛ-д шинжлүүлэхэд 2015.01.17-ны өдрийн хариугаар “Галзуу” өвчин болох нь;
Архангай аймгийн Хашаат сумын Цагаа-Хад багийн “Нуурын-Эрэг” гэдэг газар малчин Ц-ийн 2 үхэр 2015.01.20-ны өдөр халдварт өвчний шинж тэмдэгтэйгээр өвчилснийг устгаж, дээж авч аймгийн МЭАЦЛ-д шинжлүүлэхэд 2015.01.21-ний өдрийн хариугаар “Галзуу” өвчин болох нь;
Баянхонгор аймгийн Баянлиг сумын Бага баян багийн нутаг “Сайрын-Ус” гэдэг газар малчин С-ын 1 нохой 2015.01.20-ны өдөр халдварт өвчний шинж тэмдэгтэйгээр өвчилснийг устгаж, дээж авч аймгийн МЭАЦЛ-д шинжлүүлэхэд 2015.01.22-ны өдрийн хариугаар “Галзуу” өвчин болох нь;
Архангай аймгийн Хашаат сумын Номгон багийн нутаг “Зүүн залаа” гэдэг газар малчин Г-ын 1 үхэр 2015.01.21-ний өдөр халдварт өвчний шинж тэмдэгтэйгээр өвчилснийг устгаж, дээж авч аймгийн МЭАЦЛ-д шинжлүүлэхэд 2015.01.23-ны өдрийн хариугаар “Галзуу” өвчин болох нь;
Говь-Алтай аймгийн Есөн-булаг сумын Рашаант багийн нутаг “Гаадан” гэдэг газар малчин Г-ийн 1 нохой 2015.01.22-ны өдөр халдварт өвчний шинж тэмдэгтэйгээр өвчилснийг устгаж, дээж авч аймгийн МЭАЦЛ-д шинжлүүлэхэд 2015.01.23-ны өдрийн хариугаар “Галзуу” өвчин болох нь;
Өвөрхангай аймгийн Бүрд сумын Их боргидоо багийн нутаг “Гуагийн-Ар” гэдэг газар малчин Д-ийн 2 нохой 2015.01.22-ны өдөр халдварт өвчний шинж тэмдэгтэйгээр өвчилснийг устгаж, дээж авч аймгийн МЭАЦЛ-д шинжлүүлэхэд 2015.01.23-ны өдрийн хариугаар “Галзуу” өвчин болох нь;
Булган аймгийн Рашаант сумын Улааншивээт багийн 9 дүгээр гудамжийн 5 тоотод иргэн С-ын 1 нохой 2015.01.25-ны өдөр халдварт өвчний шинж тэмдэгтэйгээр өвчилснийг устгаж, дээж авч аймгийн МЭАЦЛ-д шинжлүүлэхэд 2015.01.27-ны өдрийн хариугаар “Галзуу” өвчин болох нь;
Говь-Алтай аймгийн Баян-Уул сумын Алтангадас багийн нутаг “Үхэр чулуут” гэдэг газар малчин Б-ны 1 ямаа 2015.01.26-ны өдөр халдварт өвчний шинж тэмдэгтэйгээр хорогдсоныг устгаж, дээж авч аймгийн МЭАЦЛ-д шинжлүүлэхэд 2015.01.28-ны өдрийн хариугаар “Галзуу” өвчин болох нь;
Дорнод аймгийн Сэргэлэн сумын Ар хоолой багийн “Ногоон хөв” гэдэг газар малчин Д-ийн 4 үхэр 2015.01.27-ны өдөр халдварт өвчний шинж тэмдэгтэйгээр өвчилснийг устгаж, дээж авч аймгийн МЭАЦЛ-д шинжлүүлэхэд 2015.01.28-ны өдрийн хариугаар “Галзуу” өвчин болох нь;
Архангай аймгийн Өгийнуур сумын Зэгстэй багийн нутагт 1 нохой 2015.01.28-ны өдөр халдварт өвчний шинж тэмдэгтэйгээр өвчилснийг устгаж, дээж авч аймгийн МЭАЦЛ-д шинжлүүлэхэд 2015.01.29-ний өдрийн хариугаар “Галзуу” өвчин болох нь;
Хөвсгөл аймгийн Цагаан-Уул сумын Шарга багийн “Эрэг мод” гэдэг газар малчин Н-ын малын бэлчээрт 2015.01.27-ны өдөр 1 үнэг орж ирснийг устгаж, дээж авч аймгийн МЭАЦЛ-д шинжлүүлэхэд 2015.01.30-ны өдрийн хариугаар “Галзуу” өвчин болох нь;
Увс аймгийн Малчин сумын Баянхайрхан багийн “Ар мушгиа” гэдэг газар малчин Буянгийн 2 ямаа 2015.02.03-ны өдөр халдварт өвчний шинж тэмдэгтэйгээр хорогдсныг устгаж, дээж авч аймгийн МЭАЦТЛ-д шинжлүүлэхэд 2015.02.05-ны өдрийн хариугаар “Галзуу” өвчин болох нь;
Говь-Алтай аймгийн Баян-Уул сумын Баян-богд багийн “Хөх хад” гэдэг газар малчин Н-ын 1 хонь 2015.01.29-ний өдөр халдварт өвчний шинж тэмдэгтэйгээр хорогдсоныг устгаж, дээж авч аймгийн МЭАЦЛ-д шинжлүүлэхэд 2015.01.30-ны өдрийн хариугаар “Галзуу” өвчин болох нь;
Булган аймгийн Сайхан сумын Мануулт багийн нутаг “Хустайн зураа” гэдэг газар малчин Б-ын 1 нохой 2015.02.01-ний өдөр халдварт өвчний шинж тэмдэгтэйгээр үхсэнийг устгаж, дээж авч аймгийн МЭАЦЛ-д шинжлүүлэхэд 2015.02.03-ны өдрийн хариугаар “Галзуу” өвчин болох нь;
Төв аймгийн Баянцогт сумын Сарлаг багийн “Бага улаан гозгор” гэдэг газар малчин Б, М нарын 2 үхэр 2014.01.31-ний халдварт өвчний шинж тэмдэгтэйгээр өвчилснийг устгаж, дээж авч УМЭАЦТЛ-д шинжлүүлэхэд 2015.02.04-ний өдрийн хариугаар “Галзуу” өвчин болох нь тус тус тогтоогдсон.
5. Эрэн хайх, аврах ажиллагаа:
Баянзүрх дүүргийн 14 дүгээр хороо, Олон улсын Нарантуул худалдааны төвийн урд хаалганы орчим дулааны шугамын худагт хүн унасан байна гэсэн дуудлагыг 2015.02.05-ны өдрийн 15:05 цагт хүлээн авч Аврах ангийн 8 албан хаагч, 2 автомашинтай тасгийг гаргахад тус худагт иргэн Ш /93 настай, эрэгтэй/ нь унаж бэртсэн байсныг гаргаж эмнэлгийн анхан шатны тусламж үзүүлэн ГССҮТ-д хүргэж өгсөн.
Завхан аймгийн Улиастай сумын Богдын гол багийн 1 дүгээр гудамжийн 1 тоотод оршин суугч иргэн Б-н /23 настай, эрэгтэй/ нь 2015.01.30-ны өдрийн 22:00 цагийн орчим тус сумын Жинст багийн нутаг “Уран байгаль” зочид буудлаас гэр рүүгээ яваад сураггүй болсон тухай мэдээллийг 2015.02.03-ны өдрийн 11:40 цагт хүлээн авч Онцгой байдлын хэлтсийн 10 албан хаагч, 1 автомашин, Цагдаагийн газрын 5 албан хаагч, 2 автомашин, орон нутгийн 12 иргэн, 1 автомашин, нийт 27 хүн, 4 техник хэрэгсэлтэйгээр эрэн хайж байна.
ГАМШГИЙН ШУУРХАЙ УДИРДЛАГЫН ГАЗАР