Монгол Улсын гол, мөрөн, усан замын тээврийн ослоос улбаалсан хүний эрүүл мэнд, амь нас эрсдэхээс урьдчилан сэргийлэх хяналтын үйл ажиллагааг сайжруулах зорилготой хамтран ажиллах санамж бичигт ОБЕГ-ын дарга, бригадын генерал Т.Бадрал, Зам тээврийн яамны харъяа Далайн захиргааны дарга Х.Энхбаатар нар гарын үсэг зурлаа.
Аюул, осол тохиолдсон үед Олон улсын Иргэний нисэхийн байгууллага (ICAO), Олон улсын Далайн байгууллага (IMO)-ын хамтарсан зөвлөмж, гарын авлагад тусгагдсан эрэн хайх, авран туслах үйл ажиллагаанд нэгдсэн нэг төлөвлөгөөтэй оролцох, талуудыг мэдээллээр хангах, түүнчлэн төрийн байгууллагын уялдаа холбоо, хамтын ажиллагааг шинэ түвшинд гаргах зорилготой юм.
