Сибирийн гал түймрийн утаа, үнс нурам дэлхийн дулаарал, Арктикийн мөс хайлахад хувь нэмрээ оруулах болно хэмээн мэргэжилтнүүд мэдэгдсэнийг CBS news мэдээллээ. Дэлхийн цаг уурын судлаачдын үзэж буйгаар, мөсөн дээр унасан үнс нурам түүнийг хар болгож, нарны туяаг ойлгох боломжийг алдагдуулдаг гэнэ. Тиймээс мөсний гадаргууд дулаан хуримтлагдаж Арктикийн мөсийг эрчимтэй хайлуулдаг байна. Үүнтэй зэрэгцээд хүлэмжийн хий эрчимтэй ялгарснаар цаг уур өөрчлөгдөж, ирээдүйд илүү их түймэр гар нөхцлийг бүрдүүлдэг аж. Том талбайг хамарсан ойн түймрээс үүдэн нүүрс хүчлийн хий их ялгардаг бөгөөд тэр нь том хотын ялгаруулдаг хийтэй тэнцдэг байна. 2019 онд экологийн байгууллагуудын гаргасан тооцоогоор 12 сая га бүхий ой мод дэлхий дахинаа шатсан явдал хүлэмжийн хий ихээр цацагдахад хүргэжээ. Хойд мөсөн туйлын хилээр 100 гаруй ойн түймэр гарсан болохыг эрдэмтэд тогтоосон байна. Багйалийн гамшигт энэ үзэгдэлд онцгой гэх зүйл байхгүй ч сүүлийн жилүүдэд тоо нь эрс нэмэгдэж эхэлсэн явдлыг дэлхийг хамарсан дулааралтай холбон тайлбарлаж байгаа юм. Дахин сануулахад Сибирьт гурван сая га ой шатсан бөгөөд унтраах ажиллагаа явагдаж эхэлсэн билээ. Сүүлийн гурван жилийн дотор ойн түймрээс үүдэн 68.9 тэрбум рублийн хохирол учирчээ.
Эх сурвалж: Өдрийн сонин 2019.08.08