Онцгой байдлын байгууллагын аварга шалгаруулах 2019 оны спортын тэмцээн өнөөдөр ОБЕГ-ын харьяа “Аврагч” биеийн тамир, техник спортын хороонд эхэллээ.
Алба хаагчид бие бялдрын ерөнхий хөгжлийн дасгал, олс таталт, туухай өргөлт, гар болон хөл бөмбөг, бокс гэсэн спортын зургаан төрлөөр өрсөлдөж, аваргуудаа шалгаруулах юм.
Энэ сарын 13-ныг хүртэл үргэлжлэх тус тэмцээнд ОБЕГ, Үндэсний аврах бригад, Нийслэлийн онцгой байдлын газар болон бүсийн төвүүдийн нийт 300 гаруй алба хаагч оролцож байна гэж Онцгой байдлын ерөнхий газраас мэдээллээ.
