БНХАУ-ын ЖинМин хотноо зохион байгуулагдах “Шүхрийн спортын Азийн 19 дэх удаагийн тэмцээн”-д Онцгой байдлын байгууллагын алба хаагчид оролцохоор бэлтгэлээ хангаж байна.
![](https://nema.gov.mn/wp-content/uploads/2019/10/73358268_2477255375643281_7380041355529027584_n.jpg)
Азийн шүхрийн спортын холбооноос зохион байгуулдаг тус тэмцээн 11 дүгээр сарын 01-10-ны өдрүүдэд зохион байгуулагдах юм.
Тэмцээнд Монгол Улсаа төлөөлөн ОБЕГ-ын харьяа Үндэсний аврах бригадын Агаарын ажиллагааны салбарын бүлгийн дарга, шүхрийн зааварлагч спортын мастер, дэслэгч Б.Тэлмэн, бүлгийн дарга, шүхрийн зааварлагч, спортын дэд мастер, ахмад Д.Батсүмбэр, бэлтгэл ахмад, спортын мастер Я.Сэргэлэн, шүхэрчин-аврагч спортын мастер, ахлах ахлагч О.Батзолбоо, шүхэрчин-аврагч спортын дэд мастер, ахлах ахлагч М.Бэлгүтэй нар оролцоно.
![](https://nema.gov.mn/wp-content/uploads/2019/10/72462681_594288977774115_3986263480763154432_n.jpg)
Энэхүү шигшээ баг нь Монгол Улсын гурван удаагийн, нийслэлийн 2 удаагийн аварга. Мөн дотоод, гадаадын томоохон уралдаан тэмцээн, хамтарсан дадлага сургууль, үзүүлэх тоглолтуудад тогтмол амжилттай оролцдог юм.
![](https://nema.gov.mn/wp-content/uploads/2019/10/73260819_547970702623949_135510251163090944_n.jpg)
Шүхрийн спортын Азийн 19 дэх удаагийн тэмцээн нь чөлөөт уналтын маяг үзүүлэх, цэгт онолт, халин нислэг зэрэг төрлүүдээр эрэгтэй, эмэгтэй болон бага зэрэгтэй тамирчид гэсэн 3 ангилалаар явагдана гэж Онцгой байдлын ерөнхий газраас мэдээллээ.
![](https://nema.gov.mn/wp-content/uploads/2019/10/72701341_403218800610208_7504893679706832896_n.jpg)
![](https://nema.gov.mn/wp-content/uploads/2019/10/72756240_2063824717053058_3158986383654125568_n.jpg)