Онцгой байдлын ерөнхий газар, АНУ-ын Элчин сайдын яам, Энэтхэг, Номхон далайн цэргийн командлалтай хамтран жил бүр “Говийн чоно” олон улсын сургалт, дадлага сургуулийг зохион байгуулдаг уламжлалтай.
“Говийн чоно-2020” олон улсын сургалт, дадлага сургуулийг ирэх оны 9 дүгээр сард Улаанбаатар хотноо зохион байгуулахаар болсон.
Үүнтэй холбогдуулан ОБЕГ-ын тэргүүн дэд дарга, бригадын генерал Г.Ариунбуян, АНУ-ын Батлан хамгаалахын атташе, дэд хурандаа Филип Луу тэргүүтэй төлөөлөгчдийг хүлээн авч уулзлаа.
Уулзалтаар олон улсын сургалт, дадлага сургуулийн онцлог болоод Монгол, Америкийн аврагчдын хамтран хийх дадлага сургуулийн талаар хэлэлцэж, санал солилцлоо гэж Онцгой байдлын ерөнхий газраас мэдээллээ.
