Австралийн Шинэ Өмнөд Уэльст дэгдсэн ойн түймрийг унтраахын тулд сайн
дураар гал сөнөөж буй хүмүүст нөхөн олговор олгохоор болсон талаар тус
улсын Засгийн газар мэдэгджээ.
Ойн түймрийг унтраахаар албан ажлаа орхиж, цалингаа авж чадахгүй байгаа сайн дурын гал сөнөөгчдөд 6000 австрали.доллар буюу 4200 ам.доллар хүртэлх олговрыг олгох ажээ. Австрали даяар 100 гаруй гал түймэр дэгдсэн хэвээр байгаа юм.
Цаг уурын мэргэжилтнүүдийн мэдээлснээр, ойрын өдрүүдэд Австрали даяар хэт халах төлөвтэй байгаа тул ойн түймэр улам даамжирч болзошгүй бөгөөд Шинэ Өмнөд Уэльст агаарын температур Цельсийн 40 хэм хүрч магадгүй аж. Өнгөрсөн есдүгээр сараас хойш 5 мужид дэгдсэн ойн түймэр 4 сая гаруй га талбайг хамарч, үүний улмаас амиа алдсан хүний тоо 8 хүрчээ.
Эх сурвалж:montsame.mn