Сэлэнгэ аймгийн Онцгой байдлын газраас алба хаагчдын мэргэжлийн ур чадварыг дээшлүүлэх, албаны бэлтгэл бэлэн байдлыг хангах, аврах ажиллагааны багаж хэрэгсэлтэй ажиллах дадлага олгох зорилгоор гүний усны дадлага сургуулийг зохион байгууллаа.
![](https://nema.gov.mn/wp-content/uploads/2020/01/IMG_8832-1-1024x1024-1.jpg)
Дадлага сургуульд Эрэн хайх, аврах ангийн бүлгийн аврагчдыг хамруулан, гүний усанд эрэн хайх, аврах ажиллагаа явуулах, нэрвэгдэгсдийг аюулгүй газар зөөвөрлөх, эмнэлгийн анхан шатны тусламж үзүүлэх дадлага сургуулийг явуулсан юм.
![](https://nema.gov.mn/wp-content/uploads/2020/01/IMG_8886-1024x1024-1.jpg)
Мөн 16 м-ийн гүнд ачаа зөөвөрлөх, гүний шумбалтын багаж хэрэгслийг зөв угсрах, хяналт шалгалт явуулах дадлагыг хийлээ гэж Сэлэнгэ аймгийн Онцгой байдлын газраас мэдээллээ.
![](https://nema.gov.mn/wp-content/uploads/2020/01/IMG_8900-1024x1024-1.jpg)