Гал унтраах техникийн олон төрөлт спортын холбооны 2019 оны шилдэг клубээр Улаанбаатар бүсийн “Гандуулга”, “Шилдэг тамирчин”-аар Булган аймгийн Онцгой байдлын газрын Гал түймэр унтраах, аврах 20 дугаар ангийн аврагч, гал сөнөөгч, ОУХМ, ахлах ахлагч О.Мөнхтунгалаг нар тус тус шалгарлаа.
Гал унтраах техникийн олон төрөлт спортыг хөгжүүлэх, алба хаагчдын мэргэжлийн ур чадвар, авхаалж самбаа, бие бялдрыг хөгжүүлэх, тэсвэр хатуужил олгох, албаны бэлтгэл, бэлэн байдлыг хангах зорилгоор бүсийн аварга шалгаруулах тэмцээнийг жил бүр, улсын аварга шалгаруулах тэмцээнийг хоёр жил тутамд нэг удаа зохион байгуулдаг юм гэж Онцгой байдлын ерөнхий газраас мэдээллээ.