Шинэ коронавируст халдварын нөхцөл байдалтай холбогдуулан Онцгой байдлын ерөнхий газрын Гамшгийн шуурхай удирдлага, зарлан мэдээллийн төвийн утсанд иргэд ихээр холбогдон хэт ачаалал үүсгэж бусад яаралтай мэдээлэл, дуудлага хүлээн авах боломжгүй байна.
Иймд гамшгийн нөхцөл байдлын мэдээлэл, авч хэрэгжүүлж байгаа арга хэмжээ, цаг үеийн холбогдолтой мэдээллийг хүргэх тусгай дугаарыг нэмэлтээр ажиллуулж эхэллээ.
Иргэд та бүхэн 18001105 дугаарт суурин болон гар утаснаасаа шууд холбогдож, мэдээ, мэдээлэл авах боломжтой боллоо гэж Онцгой байдлын ерөнхий газраас мэдээллээ.