1.Цаг агаар:
Өнгөрсөн хоногт: Нийт нутгаар цаг агаар тогтуун байсан.
Өнөөдөр: Баруун болон төвийн аймгуудын нутгийн хойд хэсгээр үүлшинэ, бусад нутгаар багавтар үүлтэй. Цас орохгүй. Салхи баруунаас секундэд 7-12 метр, Алтайн салбар уулсаар секундэд 13-15 метр хүрч ширүүснэ. Увс нуурын хотгор, Завхан голын эх, Идэр, Тэс голын хөндийгөөр 3-8 градус хүйтэн, Дархадын хотгор, Хангай, Хөвсгөл, Хэнтэйн уулархаг нутаг, Хүрэнбэлчир орчим, Эг, Үүр, Тэрэлж голын хөндийгөөр 2 градус хүйтнээс 3 градус дулаан, Хангайн нурууны өвөр бэл, Орхон, Сэлэнгэ, Хараа, Ерөө голын хөндий болон говийн бүс нутгаар 7-12 градус, бусад нутгаар 3-8 градус дулаан байна.
Улаанбаатар хотод: Багавтар үүлтэй. Цас орохгүй. Салхи баруунаас секундэд 6-11 метр. Өдөртөө 6-8 градус дулаан байна.
Төлөв байдал: 29-нд баруун аймгуудын ихэнх нутаг, төвийн аймгуудын нутгийн баруун хэсгээр, 30-нд зарим газраар, 31-нд говь болон зүүн аймгуудын нутгийн өмнөд хэсгээр хур тунадас орно. Салхи 29-нд нутгийн баруун хэсгээр, 30-нд ихэнх нутгаар, 31-нд говь, талын нутгаар секундэд 14-16 метр хүрч цасан болон шороон шуурга шуурна. 29-нд баруун аймгуудын нутгаар, цаашдаа ихэнх нутгаар бага зэрэг хүйтэрч Завхан голын эх, Идэр, Тэс голын хөндийгөөр шөнөдөө 25-30 градус, өдөртөө 9-14 градус, Увс нуур болон Дархадын хотгор, Хангай, Хөвсгөл, Хэнтэйн уулархаг нутаг, Хүрэнбэлчир орчим, Туул, Тэрэлж голын хөндийгөөр шөнөдөө 18-23 градус хүйтэн, 1-6 градус, Хангай нурууны өвөр бэл, говийн бүс нутгийн өмнөд хэсгээр шөнөдөө 5-10 градус хүйтэн, өдөртөө 1-6 градус дулаан, бусад нутгаар шөнөдөө 10-15 градус хүйтэн, өдөртөө 2 градус дулаанаас 3 градус хүйтэн байна.
2.Гал түймэр:
Хувийн өмчид гарсан: Нийслэлийн Сүхбаатар дүүргийн 11 дүгээр хороо, Алтайд иргэн Э-ийн хашаанд 0.7 га газрын өнжмөл шар өвс, 5 метр хашаа шатаж байна гэсэн дуудлагыг 03.27-ны өдрийн 11:21 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 6 алба хаагч, 1 автомашинтай 4 км замыг туулан 11:27 цагт очиж 20 минут ажиллаж унтраасан.
Нийслэлийн Баянзүрх дүүргийн 20 дугаар хороо, Туулд иргэн Т-ийн 8×4 метрийн хэмжээтэй байшингийн дээвэр шатаж байна гэсэн дуудлагыг 03.27-ны өдрийн 12:39 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 35 дугаар ангийн 7 алба хаагч, 2 автомашинтай 8 км замыг туулан 12:50 цагт очиж 5 минут ажиллаж унтраасан.
Нийслэлийн Сүхбаатар дүүргийн 20 дугаар хороо, Цээнд иргэн Г-ын хашаанд 0.3 га газрын өнжмөл шар өвс, 3 метр хашаа шатаж байна гэсэн дуудлагыг 03.27-ны өдрийн 14:12 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 6 алба хаагч, 1 автомашинтай 7.5 км замыг туулан 14:25 цагт очиж 5 минут ажиллаж унтраасан.
Нийслэлийн Чингэлтэй дүүргийн 12 дугаар хороо, Булгийнд иргэн А-ийн 3×3 метрийн хэмжээтэй амбаар, 7 метр хашаа шатаж байна гэсэн дуудлагыг 03.27-ны өдрийн 14:22 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн 6 алба хаагч, 1 автомашинтай 5.5 км замыг туулан 14:30 цагт очиж 10 минут ажиллаж унтраасан.
Дорнод аймгийн Хэрлэн (Сүмбэр) сумын 10 дугаар багийн Зангиат хорооллын 13 дугаар гудамжинд иргэн Г-ын 3х2 метрийн хэмжээтэй амбаар шатаж байна гэсэн дуудлагыг 03.27-ны өдрийн 15:49 цагт хүлээн авсан. Тус аймгийн Онцгой байдлын газрын Гал түймэр унтраах, аврах 52 дугаар ангийн 6 алба хаагч, 1 автомашинтай 4 км зам туулан 15:54 цагт очиж 28 минут ажиллаж унтраасан.
Говьсүмбэр аймгийн Сүмбэр сумын 2 дугаар багийн “Сангийн аж ахуйн” 25 дугаар гудамжинд иргэн Б-ийн хашаанд цаасан хайрцаг шатаж байна гэсэн дуудлагыг 03.27-ны өдрийн 15:57 цагт хүлээн авсан. Тус аймгийн Онцгой байдлын газрын Гал түймэр унтраах, аврах 37 дугаар ангийн 7 алба хаагч, 2 автомашинтайгаар 1.5 км замыг туулан 16:00 цагт очиж 14 минут ажиллаж унтраасан.
Дорнод аймгийн Хэрлэн (Сүмбэр)сумын 1 дүгээр багийн ажилчин хорооллын 6 дугаар гудамжинд иргэн Г-ийн 4 ханатай гэр шатаж байна гэсэн дуудлагыг 03.27-ны өдрийн 17:16 цагт хүлээн авсан. Тус аймгийн Онцгой байдлын газрын Гал түймэр унтраах, аврах 52 дугаар ангийн 6 алба хаагч, 1 автомашинтай 6 км зам туулан 17:23 цагт очиж 25 минут ажиллаж унтраасан.
3.Зам, тээврийн осол:
Автозамын осол: Өмнөговь аймгийн Ханхонгор сумын Мандах багийн “Цагааны гол” гэдэг газар /аймгийн төвөөс 13 км, сумын төвөөс зүүн зүгт 25 км/ Улаанбаатар хотоос Даланзадгад сумын чиглэлд зорчиж явсан иргэн О-ын “Тоёота Аксио” загварын автомашин автозамын зорчих хэсгийн хажуу руу онхолдсон тухай дуудлагыг 03.27-ны өдрийн 23:57 цагт хүлээн авсан. Тус аймгийн Онцгой байдлын газрын Гал түймэр унтраах, аврах 21 дүгээр ангийн 7 алба хаагч, 2 автомашинтай 13 км замыг туулан 00:13 цагт очиж 25 минут ажиллаж иргэн О /48 настай, эрэгтэй/, М /43 настай, эмэгтэй/, А/40 настай, эрэгтэй/, М /39 настай, эрэгтэй/, Н /54 настай, эрэгтэй/-г аварч гарган эмнэлгийн анхны тусламж үзүүлэн аймгийн Нэгдсэн эмнэлэгт шилжүүлэн өгсөн.
4.Байгаль цаг агаарын аюулт үзэгдэл:
Газар хөдлөлт: Булган аймгийн Баяннуур сумын Шар тал багийн “Элст худаг” гэдэг газар /сумын төвөөс баруун зүгт 7 км-т /Ө-47087/00//, У-104036/00/// 03.27-ны өдрийн 10:47 цагт 4.1 магнитутын хүчтэй газар хөдлөлт болсон тухай мэдээллийг ООГХ-ээс мөн өдрийн 11:00 цагт цахим шуудангаар ирүүлсэн. Тус аймгийн Онцгой байдлын газраар дамжуулан тус сумын Засаг даргын Тамгын газрын дарга Г.Гэрэлсүрэнгээс тодруулахад иргэдэд чичирхийлэл мэдрэгдээгүй, хохирол учраагүй тухай мэдээлсэн.
ОНЦГОЙ БАЙДЛЫН ЕРӨНХИЙ ГАЗАР