1.Цаг агаар:
Өнгөрсөн хоногт: Нийт нутгаар цаг агаар тогтуун байлаа.
Өнөөдөр: Их төлөв цэлмэг. Салхи баруунаас 4-9 м/с, зүүн аймгуудын нутгийн зарим газраар 12-14 м/с хүрч ширүүснэ. Увс нуурын хотгор болон Тэс голын хөндийгөөр 2-7 градус хүйтэн, Дархадын хотгор болон Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Байдраг голын хөндийгөөр 3-8 градус, Их нууруудын хотгор болон говийн бүс нутаг, Хангайн нурууны өвөр бэл, Орхон-Сэлэнгийн сав газар, Хараа, Ерөө, Туул голын хөндийгөөр 15-20 градус, бусад нутгаар 11-16 градус дулаан байна.
Улаанбаатар хотод: Их төлөв цэлмэг. Салхи баруунаас 5-10 м/с. Өдөртөө 15-17 градус дулаан байна.
Төлөв байдал: 5-нд Хөвсгөлийн уулархаг нутаг, Орхон-Сэлэнгийн бэлчирээр, 6-нд баруун аймгуудын нутгийн зүүн хэсэг, төв болон зүүн аймгуудын нутгийн зарим газраар, 7-нд төвийн аймгуудын ихэнх нутгаар бороо, нойтон цас орно. Салхи 5-нд зарим газраар, 6-7-нд нутгийн өмнөд хэсгээр 13-15 м/с хүрч шороон шуурга шуурна. 5-нд баруун болон төвийн аймгуудын нутгийн хойд хэсгээр, 6-нд ихэнх нутгаар бага зэрэг хүйтэрч Увс нуурын хотгор, Завхан голын эх, Идэр, Тэс голын хөндийгөөр шөнөдөө 22-27 градус, өдөртөө 5-10 градус, Дархадын хотгор, Хангай, Хөвсгөл, Хэнтэйн уулархаг нутаг, Хүрэнбэлчир орчим, Байдраг, Туул, Тэрэлж голын хөндийгөөр шөнөдөө 12-17 градус хүйтэн, өдөртөө 4 градус хүйтнээс 1 градус дулаан, Хангайн нурууны өвөр бэл болон говийн бүс нутгаар шөнөдөө 4 хүйтнээс 1 градус дулаан, өдөртөө 7-12 градус дулаан, бусад нутгаар шөнөдөө 4-9 градус хүйтэн, өдөртөө 3-8 градус дулаан байна.
2.Гал түймэр:
Хувийн өмчид гарсан: Нийслэлийн Налайх дүүргийн 1 дүгээр хороо, Энгэр шандын 3 дугаар гудамжинд иргэн М-ын 4 ханатай гэр, улсын дугаар бүртгэлгүй, “Эксел” загварын суудлын автомашин, “Даюн” загварын мотоцикл шатаж байна гэсэн дуудлагыг 04.02-ны өдрийн 12:52 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн 6 алба хаагч, 2 автомашинтай 4 км замыг туулан 12:57 цагт очиж, 15 минут ажиллаж унтраасан.
Нийслэлийн Сүхбаатар дүүргийн 15 дугаар хороо, Дамбадаржаагийн 12 дугаар гудамжинд иргэн Ц-ийн байшин шатаж байна гэсэн дуудлагыг 04.02-ны өдрийн 13:37 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 34 дүгээр ангийн 7 алба хаагч, 2 автомашинтай 5 км замыг туулан 13:43 цагт очиж, 20 минут ажиллаж унтраасан.
Нийслэлийн Сонгинохайрхан дүүргийн 2 дугаар хороо, Нарангийн голын 61 дүгээр гудамжинд иргэн П-ийн амбаар, 5 ханатай гэр, хашаа, өнжмөл шар өвс шатаж байна гэсэн дуудлагыг 04.02-ны өдрийн 14:59 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 6 алба хаагч, 1 автомашинтай 11.5 км замыг туулан 15:09 цагт очиж, 20 минут ажиллаж унтраасан.
Дархан-Уул аймгийн Дархан сумын 5 дугаар багийн “Үйлдвэрчид”-ын 5 дугаар гудамжинд иргэн Д-ийн хашаа шатаж байна гэсэн дуудлагыг 04.02-ны өдрийн 16:24 цагт хүлээн авсан. Тус аймгийн Онцгой байдлын газрын Гал түймэр унтраах, аврах 54 дүгээр ангийн 6 алба хаагч, 1 автомашинтай 2 км замыг туулан 16:28 цагт очиж, 5 минут ажиллаж унтраасан.
Хөвсгөл аймгийн Мөрөн сумын Баян багийн 23 дугаар гудамжинд иргэн Т-ын 5 ханатай гэр шатаж байна гэсэн дуудлагыг 04.02-ны өдрийн 19:38 цагт хүлээн авсан. Тус аймгийн Онцгой байдлын газрын Гал түймэр унтраах, аврах 27 дугаар ангийн 6 алба хаагч, 1 автомашинтай 5 км зам туулан 19:45 цагт очиж, 9 минут ажиллаж унтраасан.
Нийслэлийн Налайх дүүргийн 8 дугаар хороо, Тайжийн 13 дугаар гудамжинд иргэн О-ийн 4 ханатай гэр шатаж байна гэсэн дуудлагыг 04.02-ны өдрийн 19:15 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 28 дугаар ангийн 6 алба хаагч, 2 автомашинтай 2 км замыг туулан 19:18 цагт очиж, 10 минут ажиллаж унтраасан.
Нийслэлийн Сонгинохайрхан дүүргийн 32 дугаар хороо, Баруунтурууны 384 дүгээр гармын задгайд эзэнгүй 9х12 метрийн хэмжээтэй 3 давхар байшин шатаж байна гэсэн дуудлагыг 04.03-ны өдрийн 01:32 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн 8 алба хаагч, 2 автомашинтай 13.5 км замыг туулан 01:46 цагт, хүч нэмэгдүүлж 01:49 цагт Баянгол дүүргийн Онцгой байдлын хэлтсийн Гал түймэр унтраах, аврах 18 дугаар ангийн 7 алба хаагч, 2 автомашинтай 14 км замыг туулан 02:11 цагт очиж, гал түймрийг унтраахаар ажиллаж байна.
3.Ой, хээрийн түймэр:
Ойн түймэр: Булган аймгийн Хутаг-Өндөр сумын Хантай багийн “Буурлын шивэрт” гэдэг газар /аймгийн төвөөс баруун хойд зүгт 170 км-т, сумын төвөөс зүүн зүгт 50 км-т/ ойн түймэр гарсан дуудлагыг 04.01-ний өдрийн 14:40 цагт хүлээн авсан. Тус аймгийн Онцгой байдлын газрын Гал түймэр унтраах, аврах 20 дугаар ангийн 24 алба хаагч, 1 автомашин, орон нутгийн 43 иргэн, 4 автомашин, 8 мотоцикл, 4 морь, нийт 67 хүн, 5 автомашин, 8 мотоцикл, 4 морьтой ажиллаж, 04.02-ны өдрийн 08:30 цагт хээрийн түймрийг цурманд оруулж, бүрэн унтраахаар ажиллаж байна. Урьдчилсан байдлаар 42 га талбай шатсан.
Сэлэнгэ аймгийн Орхон сумын 2 дугаар багийн “Хар нүдэн” гэдэг газарт /Сайхан сумын төвөөс баруун урд зүгт 10 км-т, сумын төвөөс урд зүгт 18 км-т/ хээрийн түймэр гарсан тухай дуудлагыг 04.02-ны өдрийн 13:30 цагт хүлээн авсан. Тус аймгийн Онцгой байдлын газрын Сайхан сум дахь Гал түймэр унтраах, аврах 61 дүгээр ангийн 8 алба хаагч, 1 автомашинтай 20 км замыг туулан 14:25 цагт очиж, 2 цаг ажиллан мөн өдрийн 15:45 цагт хээрийн түймрийг бүрэн унтрааж, тус сумын Байгаль хамгаалагч Ж.Энхбаярт хүлээлгэн өгсөн.
4.Байгаль цаг агаарын аюулт үзэгдэл:
Газар хөдлөлт: Говь-Алтай аймгийн Тонхил сумын Бүс-Уул багийн “Бөөн чулуут” гэдэг газарт /сумын төвөөс урд зүгт 29 км-т, Ө-46007/00//, У-94004/00/// 04.02-ны өдрийн 11:23 цагт 3.9 магнитутын хүчтэй газар хөдлөлт болсон тухай мэдээллийг ООГХ-ээс мөн өдрийн 11:37 цагт цахим шуудангаар ирүүлсэн. Тус аймгийн Онцгой байдлын газраар дамжуулан тус сумын Засаг даргын Тамгын газрын дарга М.Хүүхнээгээс тодруулахад иргэдэд чичирхийлэл мэдрэгдсэн, хохирол учраагүй тухай мэдээлсэн.
ОНЦГОЙ БАЙДЛЫН ЕРӨНХИЙ ГАЗАР